Тиббиёт соҳаси мамлакатимизда жадал суръатлар билан ривожланиб бормоқда. Ишлаб чиқаришдан тортиб, аҳолига самарали хизмат кўрсатишгача барча йўналишларда замонавийлашув жараёни сезилмоқда. 

***

Ўтган чорак асрлик мустақил тараққиёт даврида элимизда қатор фармацевтика корхоналари пайдо бўлди. 

Уларнинг маҳсулоти хориждан келтирилаётган дунёга таниқли дори-дармон компаниялари маҳсулотлари қошида рақобатбардошлигини исботлаб, эл корига яраётгани сир эмас. Вилоят марказидаги MARAI фармацевтика корхонаси ҳам ана шулардан бири. Унинг аҳил ва билимдон жамоаси ишлаб чиқарган маҳсулот ўз бозорида салмоқли ўрин эгаллаган.

***

Соғликни сақлаш муассасасаларига ҳам эътибор кучли. Оқ халатли нажоткорларнинг мақбул шарт-шароитда меҳнат қилиши учун йил сайин тобора кўпроқ маблағ ажратилаётгани маълум. Врачларни, албатта, ҳар нарсага қодир, дейиш тўғри эмас, аммо сўнгги йилларда уларнинг кўплаб юртдошларимизни ажал чангалидан қутқариб қолаётганини тан олиш лозим.

***

Оғир аҳволдаги беморларни қутқаришда эса ўз қонини баъзида мутлақо танимаган, билмаган одамларга бераётган донорларнинг хизмати катта. Улар туфайли кимнингдир ота-онаси, кимнингдир фарзанди-дилбандига човут солган ажал чекинади. 

Тиббий хизматни вақтида етказиб беришда эса Шимкент шаҳридаги “Медприбор” корхонаси жамоаси жиҳозлаётган “Тез ёрдам” машиналарининг аҳамияти катта. Зеро, тақ­дирларни дақиқалар ҳал қиладиган вақтда уларнинг бу­зилмасдан беморни шифохонага етказа олиши жуда муҳим.

Собиржон ИСАМАТОВ суратлари.