Ушбу ҳафтада чемпионлар лигаси плей-оф босқичининг жавоб учрашувлари ўтди. Унда пойтахтнинг “Астана” жамоаси Шотландиянинг “Селтик” жамоа­сини қабул қилди.

Дастлабки ўйинда ҳамюртларимиз 5:0 ҳисобида мағлуб бўлсада, чем­пионлар лигасига чиқиш имко­ниятлари сақланиб қолганди. Ҳам­юртларимиз жавоб учра­шувида ирода намойиш этиб, ғалаба қозонишди. Биринчи бўлимнинг дастлабки дақи­қалариданоқ футболчиларимиз ҳужумга зўр беришди. 

Учрашувнинг 25-дақиқасида Дми­трий Шомконинг узоқ масо­фадан йўллаган зарбаси рақиб ҳимоя­чиларига тегиб, дарвозадан жой олди. Кўп ўтмай меҳмонлар 35-да­­­­қиқада ҳисобни тенглаштирди. Биринчи бўлим 1:1 ҳисобида якунланди.

Иккинчи тайм хавфли хужумлар ва голларга бой бўлди. Ўйин сўнгида “Селтик” хужумчиси Гриффитс гол киритиб ҳисобни 4:3 кўринишига олиб келди. Икки ўйин натижасига кўра “Селтик” чемпионлар лигасига йўлланма олди. 

“Астана” жамоаси эса энди Европа лигасида қатнашиш имкониятига эга. 

25 август куни Монако шаҳрида Европа Лигаси гуруҳ босқичи учун қуръа маросими бўлиб ўтди. Қуръага кўра "Астана"  A гуруҳидан жой олиб, «Вильярреал», «Маккаби» (Тель-Авив), «Славия» Прага жамоалари билан куч синашади;