Ўтган асрнинг иккинчи ярмида Қозоғистон Республикасини чорак асрдан зиёд бошқарган моҳир раҳбар ва жамоат арбоби, уч марта Социалистик Меҳнат Қаҳрамони, Қозоғистон Республикаси Фанлар академиясининг академиги, техника фанлари доктори Динмухамед Ахметули Қўнаевнинг дунёдан ўтганига 22 август куни 24 йил тўлди.

Шу муносабат билан Д. Қўнаев ижтимоий жамғармаси Жанубий Қозоғистон вилоят бў­лимининг раиси Асанбай Алсейитнинг ташаббуси ҳамда вилоят, шаҳар ҳокимликларининг ёр­­­­­­­­­­­­­­­да­ми билан Шим­кент­даги эл оғасига ўр­натилган бюст олдида унинг ўч­мас номини ёдга олиш маросими бўлиб ўтди.

Тадбирда иштирок этган  ЖҚВ фахрийлар кенгашининг раиси Ж. Мауленқулов, жа­­мо­ат арбоби Ў. Рах­­­­­­­­­­­­ман­­­­­­­­бердиев, меҳнат фахрийлари Д. Шерим­қулов, А. Суғуралиев, Б. Қўнисбек, А. Назаров ва бошқалар қозоқ халқининг буюк фарзанди Динмухамед Ахмет­ули билан бўлган сермазмун учра­шувларини эсга олиб, ёдгорлик пойига гулчамбарлар қўйдилар.

Тадбирнинг давоми “Мақаш ата” тўйхонасида давом этди. Тушлик олдидан Қуръон тиловат қилингач, бир гуруҳ фахрийларга Д. Қўнаевнинг 105 ёшга тўлиши муносабати би­­­­­­лан таъсис этилган медаллар топширилди.

Суратларда: тадбирдан лав­ҳалар.