Юртимизнинг “оқ олтин” етиштирадиган ёлғиз минтақаси – Жанубий Қозоғистон вилоятида пахта терими бошланди. Ҳозирги кунда “оқ олтин” теримини Мақтаарал туманидаги Атамекен, Ш. Дилдабеков, Мақтали, Қизилқум, Жамбил ва Қарақўй қишлоқларидаги деҳқон хўжаликлари бошлаб юборди.

Жорий йилда вилоятимизда 134,6 минг гектар ерга чигит қадалган. Бу ўтган йилгидан 25 минг гектарга кўп. 2016 йили хўжаликлар ҳар гектардан ўртача ҳисобда 26,2 центнердан ҳосил кўтаришган бўлса, ҳаммаси бўлиб 286,4 минг тонна “оқ олтин” хирмони уйилган. Ҳозирги кунда пахтазорлар майдони кенгайтирилганлиги боис, минтақада 300 минг тоннадан зиёд ҳосил йиғиштириб олиниши режаланмоқда. 

Юртимизда пахтанинг макони ҳисобланадиган Мақтаарал туманида ўтган йили 83 минг гектарга чигит қадалган бўлса, жорий йилда пахта далалари 95 минг гектарга етган. Туман деҳқонлари ўтган йилда 218 минг тонна ҳосил олишган бўлса, жорий йилда ҳам яхши натижаларни кўзлашмоқда.

Вилоят бўйича 9та туман далаларига чигит экилган. 

Пахта – экспорт салоҳияти юқори экинлардан бири ҳисобланади. Юртимиз “оқ олтин”нинг асосий қисмини Россия, Хитой ва Европа давлатларига экспорт қилади.Чунончи, ўтган йили бу давлатларга юртимиздан 58 минг тонна пахта толаси экспорт қилинган.