Элбошимиз Қозоғистон хал­­­қига йўллаган Мактубида давлат-хусусий ҳамкорлигини ривожлантириш масаласига эътибор қаратиш кераклигини таъкидлаган эди. Бу борада вилоятимизда умумий миқдори 9,3 млрд. тенгени ташкил эта­диган 13та лойиҳани амалга ошириш режаланмоқда. Мин­тақамиздаги давлат-хусусий ҳамкорлиги доирасида қу­рилаётган иншоотларга матбуот сафари давомида вилоят иқтисодиёт ва бюджетни ре­жалаш бошқармасининг раҳбари Арман Сабитов шуни маълум қилди.

Мухбирлар гуруҳи дастлаб Шимкент шаҳридаги 350 ўринли болалар боғчаси ва “Қайтпас-1” кичик туманидаги 500 ўринли шаҳар шифохонасининг қурилиш ишлари билан танишди. Сўнг, журналистлар Тулкибош тума­нидаги 100 ўринли болалар боғчасига йўл олдилар. Ушбу иншоотлар давлат-хусусий ҳам­­­­­­­­­­­­корлиги доирасида қад рост­ламоқда.

Айтиш жоизки, бугунги кунда давлат-хусусий ҳамкорлиги дои­расида амалга оширилаётган ишлар бўйича вилоятимиз рес­публикада пешқадам. 13та лойиҳанинг 8таси – таълим, 3таси – спорт, 2таси соғликни сақлаш соҳасида амалга оширилмоқда. 

– Вилоятимизда давлат-ху­сусий ҳамкорлиги доирасида сармоядорларни жалб этиш иш­­­лари жонланмоқда. Бу иш­га хорижлик ва маҳаллий тадбир­корларнинг ҳам қизиқиши орт­моқда. Шу орқали биз бюджет маблағини тежабгина қолмай, ижтимоий муҳим масалаларни ҳам ҳал эта оламиз – дейди Арман Сабитули.

Яқинда Шимкент шаҳридаги тез ёрдам станциясини янгилаш лойиҳасини амалга ошириш мақ­­­­­­­садида сармоядор билан шарт­нома тузилди.