Шимкент шаҳрида ўтган “Саломатлик–2017” фес­­­­­­­­ти­­­­­­­валида Жанубий Қозоғистон вилояти ҳокими Ж. Туй­­­­­­­ме­баев Германиянинг Гам­бург шаҳрида ўтган Жаҳон чем­пионатидан олтин медаль билан қайтган ҳамюртимиз Қайрат Ералиев билан бронза медаль соҳиби Жўмарт Ер­жанни улкан ғалаба билан табриклади. 

Европада ўтган йирик мусо­бақада мамлакатимиз ҳисобига ягона олтин медални олиб берган, байроғимизни кўҳна қитъада ҳил­пиратган жаҳон чемпиони Қайрат Ералиевга вилоят ҳокими 4 мил­лион тенгелик сертификат топ­шириб, чемпионат совриндори Жў­­­­­­­­­­­­март Ержанга 1 миллион тенге тақдим этди.

Минтақа раҳбари Қайрат Ера­лиевнинг шахсий мураббийи, боксдан Қозоғистон терма жамоа­сининг бош мураббийи  Мирзағали Айтжановга 4 миллион тенге, учинчи ўринни қўлга киритган боксчимизнинг мураббийи Нуркен Андасовга эса 1 миллион тенге мукофот пули топширди.

Вилоят раҳбари Ж. Туймебаев совриндор спортчиларимизнинг жаҳон чемпионатидаги муваф­фақияти ёшларни ватан­парварлик руҳида тарбиялашда асқотишини, шунингдек, уларнинг спортга қизи­қиши ортишини айтди.

– Сизлар жаҳон чемпионатида юрт шарафини муносиб ҳимоя қилиб, жасорат кўрсатдингиз. Ке­лажакда ҳам улкан муваффа­қиятлар чўққисидан кўринишин­­­­­­­гизга ишончимиз комил, – деди табрик сўзида Жансейит Қансе­йитули. 

Ёш “чарм қўлқоп” усталари – Қайрат ва Жўмарт Балғабай Ел­шиев раҳбарлик қилаётган вилоят олий спорт маҳорати мактабининг тарбияланувчилари. Уларни жа­ҳон чемпионатига тайёрлашда вилоят жисмоний тарбия ва спорт бошқармаси раҳбари Алибек Нур­таев ва ҚР Бокс федерацияси барча шароитларни яратиб берганини ҳам алоҳида таъкидлаш лозим.