Вилоят ҳокими Туркия давлатининг адабий журналлари муҳаррирлари билан учрашди

Минтақа раҳбари Жан­сейит Қансейитули Турк дунёси ада­бий жур­налларининг муҳар­рир­лари билан учрашди. 

Меҳмонлар орасида “ТУРК­СОЙ” халқаро ташкилоти Бош котибининг ўринбосари Фи­­­­рат Пурташ, Евроосиё Ёзувчилар уюшмасининг раиси Ёқуб Ўмер­огли, “Башқұртстан қызы” жур­на­лининг муҳаррири Гул­наз Ку­туева, “Әзірбайжан” жур­на­­лининг муҳаррири Су­да­ба Ага­балаева, “Жұлдыз” журна­лининг бош муҳаррири, Дав­лат мукофотининг соҳиби, оқин Улиқбек Есдаулет, ёзувчи, “Қа­зы­­­ғұрт. kz” журналининг бош муҳаррири Мархабат Байғут ва бошқа 19та давлатдан ташриф буюрган адабиёт ва маданият арбоблари иштирок этдилар. Учрашувда вилоят ҳокими Туркия давлати адабий журналлари муҳаррирининг VIII конгресси муваффақиятли ўтаётгани билан қутлади.

– Элбошимиз Нурсултан Абиш­ули Назарбаев: “ТУРК­СОЙ” тур­кий оламнинг ЮНЕСКОсига ай­ланиши керак”, деган эди. Яъни, биз ТУРКСОЙ ташкилотига  аъзо бўлган давлатлар би­лан биргаликда тотувлик-бир­лигимизни орттирибгина қол­масдан, маданий ва иқтисодий, сайёҳлик орқали олдинга сил­жий оламиз ва шубҳасиз бунга эришиш учун бизда барча им­кониятлар етарли. Тадбирда айтилган сўзлар, таклифлар, келгуси ишларингизда  ўз ама­лини топади, деб ўйлайман, – деди вилоят раҳбари.

Учрашувда сўзга чиққан меҳ­монлар Туркия давлати адабий журналлари муҳар­рирларининг VIII конгрессида айтилган таклиф ва  мулоҳазалар ва туркийзабон халқларни бир­лаштиришга хиз­мат қилишига ишонч билдиришди.

Тадбир ниҳоясида меҳмонлар лотин алифбоси тўғрисидаги фикрларни ҳам ўртоқлашдилар.  Минтақа раҳбари меҳмонларга миннатдорчилик билдирди ва уларга совға-саломлар улашди.