Шимкент шаҳридаги 75-сонли мактаб-гимназияда бу­­­­­­гунги кунда 1000дан зи­ёд ўқувчи бир оила фар­зандларидек аҳил-иноқ дав­лат тилида таълим ол­моқ­далар. Мактабда ёшларга тўлақонли билим бериш учун барча зарур ша­роитлар яратилган, юқори малакали муаллимлар сабоқ беришади.

Шулардан бири педагогика соҳасида 37 йил тер тўкиб, ҳам­касблари, ўқувчилар ва уларнинг ота-оналари ҳурмат-иззатини қозонган Лесхан Ўсер­баевадир (тасвирда). У буюк ал­лома ал Форобий дунёга кел­ган қадимий Ўтрорда 1960 йили таваллуд топган. 1976 йили ўрта мактабни тамомлагач, Алматидаги Қизлар педагогика институтида таҳсил олган. 

Меҳнат фаолиятини 1979 йили Жетисай шаҳрида бошлаган Лесхан Сейдехан қизи 1991 йил­дан бошлаб Шимкент шаҳрида бошланғич синф ўқувчиларига жаҳон андазаларига мувофиқ таълим-тарбия бериб келмоқда.

Олий тоифали устознинг шо­гирдлари бугунги кунда халқ хўжалигининг турли соҳаларида меҳнат қилиб, Мустақил Қозо­ғистонимизнинг гуллаб-яшнашига муносиб ҳисса қўшмоқдалар.

Меҳнат фахрийси, тиниб-тин­чимас устоз Лесхан Сейдехан қизи бугунги кунда Элбошимиз Н. Назарбаевнинг “Келажакка йўл­­­­­ланма: маънавий янгиланиш” ма­қоласи ҳамда қозоқ тилини лотин алифбосига ўтказиш бо­­­расидаги топшириғи ва унинг аҳамияти тўғрисида ҳамкасблари ва ўқувчилар орасида ту­шун­­­­­­­­тириш ишларини олиб бор­моқ­­­­да. Устозга фаолиятида муваф­фақиятлар тилаймиз.