Х. А. Яссавий номидаги Халқаро қозоқ-турк университетининг маданият саройида Туркистон – туркий оламнинг маданий пойтахти ҳамда Туркий давлатлар ҳамдўстлиги куни шаърафига Халқаро «Олтин ошиқ» анимация фильмлари фестивали ўтди. 

Икки кун давом этган ушбу нуфузли анжуманга Қирғизистон, Ўзбекистон, Озарбайжон, Саха – Якутия, Олтой, Бошқирдистон ҳамда мамлакатимизнинг таниқли аниматорлари ватанпарварлик руҳидаги 20дан зиёд асарларини тақдим этишди. Анжуманнинг очилиш маросимида ҚР Маданият ва спорт вазирлиги театр ва кинематография бўлимининг бош сараловчиси Г. Мирзашева иштирокчиларни муборакбод этди. Вилоят маданият бошқармаси бошлиғининг вазифасини бажарувчи 

Ғ. Шарафиева, вилоят ҳокими Ж. Туймебаевнинг табрик хатини ўқиб берди. 

Томошабинлар ҳукмига ҳавола қилинган асарлар ҳакамлар ҳайъати томонидан муносиб баҳоланиб, қозоғистонлик А. Абилданинг омади чопди. Бош совринни ушбу режиссёрнинг «Ўтдан яралганлар» анимация фильми қўлга қиритди. Биринчи ўринга эса ўзбекистонлик санъат устаси 

Д. Власовнинг «Гончар» мультфильми лойиқ деб топилди. Иккинчи ўринлар А. Ўсманўглу (Туркия)нинг «Денгиз қароқчилари», Асанбек, Усанбек Алтинбаевларнинг (Қирғизистон) «Первый камень», «Жизнь» анимация фильмларига берилди. Ғолиб учликлар ичида Қ. Қўнирқулқожаев, Р. Усманов, Ю. Тхайнинг (Қозоғистон) «Мақтанчоқ қиз», К. Тимофеевнинг (Саха – Якутия) «Алаа Могус» ҳамда А. Муратбековнинг (Қозоғистон) «Қазақстан бренди» мультфильмлари билан якунланди. 

Яна қатор асарлар махсус номинацияларга муносиб деб топилди. 8 ёшдаги қозоғистонлик С. Чмуль танловнинг энг ёш аниматори деб тан олинди. 

Анжуман мазмунли ва қизиқарли ўтди. 

Суратда: анжумандан лавҳалар