«Қозоғистон халқи Ассамблеяси» биносида турли этнос ва­кил­лари иштирокида оилавий қадриятларни тарғиб қилишга бағишланган «Халқ урф-одатлари – мил­­­­­­­­­лий қадриятларимиз сайқали» фестивали ўтди. Унда вилоят этномаданият бир­лашмалари тавсия қилган 11 оила қатнашиб, қозоқ халқининг оилавий қа­дриятларидан нечоғлик хабардор эканини намойиш қилди. Улар саҳнада қозоқ халқининг урф-одатлари билан боғлиқ  маросимларни  кўрсатиб,  куй ва қўшиқлар ижро этишди.

Бу кун фестиваль доирасида миллий қадриятлар, каттага ҳурмат, меҳмондўстлик каби инсоний сифат­лар улуғланди. 

Бундай тадбирлар муқаддас қўр­ғон ҳисобланмиш оилани мустаҳ­камлаб, ёшларга маънавий қа­д­риятларимиз маъносини тушун­тирадиган улкан мактаб бўлади.  

– Оилада бирлик, тотувлик бўлса, фаровонлик ҳам бўлади, Ватанимиз гуллаб-яшнайди, – дейишди тадбир иштирокчилари.

Фестиваль ниҳоясида ғолиблар аниқланиб, уларга мукофотлар топширилди. Ғолиблар қаторида  Қазиғурт тумани шарафини ҳимоя қилган, «Давлат тилида қўшиқ ай­тиш» номинациясида биринчи, «Ма­қол-матал айтиш бўйича иккинчи  ўринни эгаллаган Ваҳобовлар ои­ласи ҳам бор. Бу оилага  Диплом ва 120000 тенгелик сертификат топ­ширилди.