Жанубий Қозоғистон вилоятида “Шифохонага рўйхатга тур-да МИТС тизимида ўз мавқеингни аниқла!” акцияси давомида бир ҳафта ичида 140 мингдан зиёд киши рўйхатга олинди. 

Шифохоналарга мазкур тизим бўйича оммавий тиркалиш соғликни сақлаш ходимлари томонидан олиб борилган тушунтириш ишларининг натижасидир. Соҳа мутахассислари сўнгги икки ҳафта ичида уйларни оралаб, 500 мингдан зиёд фуқаролар билан учрашувлар ўтказишди, ҳар бир одамга ўзи танлаган ва хоҳлаган маҳаллий шифохонада рўйхатга туриши мумкинлигини тушунтирдилар. 

Тушунтириш ишлари бундан кейин ҳам давом этади. Шунинг учун жорий йилнинг 1 июлидан бошлаб ҳар бир фуқаро мажбурий суғурта жамғармасига бадал тўлаши керак. Агар у тўланмаса, давлат томонидан кўрсатиладиган бепул тиббий ёрдамнинг маълум қисмигагина кафолат берилади. Ушбу акция доирасида вилоят ҳокимининг ўринбосари Бауржан Жамалов Шимкент шаҳридаги 3-сонли шифохонада рўйхатга туриб, мавқеини текширди. Шу билан бирга, у шифохонанинг шароити билан танишиб, жанубийқозоғистонликларни 31 июнгача касалхоналарга бориб, текширилиб мавқеини аниқлаб олишга чақирди.

– Шу кунгача мен Алмати шаҳрида яшаганман. Ҳозир хизматим Шимкентга алмашгани боис, мазкур шифохонага рўйхатга турдим. Ҳеч қандай қийинчилиги йўқ, ўзингиз кўриб турганингиздай, барча шароитлар муҳайё. Элимизда келаси йилдан бошлаб “Мажбурий ижтимоий тиббий суғурта тўғрисида” Қонуни кучга киради. Шу муносабат билан ҳар бир қозоғистонликнинг мавқеини аниқлаши муҳим. Юртимизда 5 апрелдан бошлаб, “Шифохонага рўйхатга тур-да МИТС тизимида ўз мавқеингни аниқла!” акцияси ўтказилмоқда. Имкониётдан фойдаланиб, жанубийқозоғистонликларни ўзи танлаган касалхонада рўйхатга туришга чақираман, – деди Б. Жамалов.