Жанубий Қозоғистон вило­ятида ЭКСПО-2017 халқаро ихтисос­лаш­тирилган кўргазмасидаги Африка мамлакатлари кўргазма-ярмаркаси очилди. Шимкент шаҳридаги “Кўр­газмалар маркази”да 10 октябрга қадар ўтказиладиган мазкур тадбир давлатлар ўртасида туризмни ривожлантириш, сармоявий им­ко­ниятларга йўл очиш, бизнес алоқаларини яхшилаш мақсадида вилоят ҳокимлиги ташаббуси билан ташкиллаштирилди.

Кўргазманинг тантанали очилиш маро­симида иштирок этган минтақа раҳбари Ж. Туймебаев африкалик меҳмонларни илиқлик билан қарши олди ва улар олиб келган маҳсулотларни томоша қилди. 

– Халқаро кўргазмада бир қанча дав­латлар ўз маданияти, миллий ўзига хос удумларини ўзлари эришган  иқтисодий ва технологик ривожланиши  ва ютуқларини намойиш этишди. Бугунги кунда Жа­нуб минтақасига шу кўргазманинг бир парчасини олиб келган Африка дав­латлари вакилларига миннатдорчилик билдираман.Кўргазмани ўтказишдан асосий мақсад, туризмни ривожлантириш, имкониятларга кенг йўл очиш, бизнес муносабатларини ривожлантириш, – деди вилоят ҳокими. 

Тадбирда 20дан ортиқ компаниялар ва Эфиопия, Кения, Танзания, Гви­нея, Гамбия, Судан ҳамда Яман давлат­ларининг ҳунарманд усталари қатнаш­­­­­дилар. Африка­ликлар янги технологиялар билан бир қаторда санъати билан кўп­чиликка яхши кайфият бахшида этишди.