Туркистоннинг Ясси кичик туманига қарашли Бирлик аҳоли манзилида яшовчилар шаҳар, сўнгра вилоят ҳокимлигига ариза йўллаб, қатор йиллар давомида турли қурилиш корхоналари тош қазиб олиб ҳосил бўлган чуқурлар ўрнига кул-ахлат тўкилишига сабабчи бўлаётганидан шикоят қилишди. Илгарилари бу ерларда аҳоли моли ёйиб боқилар, кўпчилик бундан манфаатдор, экология ҳам ўз мувозанатида эди. Ҳозир бу нарса барҳам топган. 

Шаҳар ҳокимлиги экология бўлимига, экология бўлими ўз навбатида 112 рақамли теле­фонга қўнғироқ қилишни тавсия этади. Аҳолининг арзини ким тинглайди, деган савол туғилади. 

Доимий муштарийларимиз Зиёвуддин Жалилов, То­­­йир Аб­­­­­­­­­­­­­­­­­­­­­­­дувалиевларнинг таҳририят­нинг Туркистон бўлимига му­­­рожаатидан сўнг шу ҳудуддан вилоят маслаҳатига депутат бў­либ сайланган Рахим Танир­бергеновга мурожаат қилдим. 

Саноқли минутлардан сўнг барча ишини ташлаб, сай­лов­чилари шикояти бўйича жадал етиб келган Рахим Кўлбайули вазиятни ўз кўзи билан кўриб, шикоятнинг ўринли эканлигини айтди. “Нега тош қазиган ва ташиган машиналарнинг давлат рақамларини ёзиб олмадинглар?”, деб – Т. Абдувалиевдан сўради. 

Расмий ташкилотларга йўл­ланган шикоятларнинг бир нус­хасини олгач у ушбу масала билан шуғулланишини, албатта чора кўрилишини ваъда қил­ди. “Халққа хизмат қилиш – бур­чим”, деб шиор кўтарган ва шу ваъдасига кундаликда амал қилаётган Р. Танирбергеновга Бирлик аҳолиси номидан Т. Аб­дувалиев миннатдорчилик бил­­дирди. 

Суратда: Бирликдаги мулоқот чоғида.