Вилоят “Ёшлар имконият маркази”нинг ташаббуси билан май ойида бошланган "Самғау-2017" ёш режиссёрлар танлови маррасига етиб, энг кучлилар орасидан ғолиблар танлаб олинди.

Элбошимиз Н. А. Назарбаевнинг “Келажакка йўл­ланма: маънавий янгиланиш” дастурий мақоласини ёшлар орасида тарғиб қилиб, жа­нубнинг иқтидорли ёшларини қўллаб-қувватлаб, фикрлашга ундайдиган асарларни аниқлаш мақсадида ўтказилган фестивалда 100дан зиёд  фильмлар жамланиб, сўнгги маррага 17та асар йўлланма олганди. 

Ёш режиссёрлар ватанпарварлик  фази­латлари ва ички туризм, спорт, уюшган жиноят­чилик, мотивациявий, оилавий қадриятлар ва ижтимоий масалаларни илгари суриб, 20 да­қиқали қисқаметражли видеофильмлар тушириш орқали ёшларни фикрлашга ундаган. 

Бош совринга – “Шыңырау”, 1-ўринга – “Барыңды бағала”, 2-ўринга – “Игра судьбы”,  3-ўринга – “Әке” фильмлари муносиб кўрилса,  “Энг яхши актриса” номинацияси Диана Холлоуэй, “Энг яхши актёр”  номинациясини   Ну­риддин Асан қўлга киритди.