АФҒОН ҳасрати

Details: Category: Адабиёт; Hits: 46

Афғон уруши тўғрисида кўп ёзилган. Шу мавзу анча вақтдан буён хаёлимни банд этиб, тинчлик бермай келади. Бунинг бир қанча сабаблари бор. Асосийси, ўтган асрнинг 80-йилларида ўрта мактабни тугатиб, ҳарбий хизматда йигитлик бурчини ўташ ёшига етган тенгдошларим қатори Афғон тупроғига қадам босиш, шўролар давлатининг раҳбарлари бошлаган маънисиз урушда қатнашиш эҳтимолининг каминада ҳам бўлганидир. Ўйлаб кўринг, урушнинг ҳасратли ва оғриқли гирдоби минглаган йигитларни бир зумда чек-чегарасиз ўпқонига юз тубан тортиб кетганди. Шукур, қанча-қанчаларига тақдир кулиб боқди, бу талотўпдан “бенасиб” қолишди.