Миллий дўмбира куни муносабати билан Туркистон шаҳридаги «Карвонсарой» сайёҳлик мажмуасида республика миқёсидаги «Куй қудрати» танловининг финал босқичи ўтказилди. Мамлакатнинг турли минтақаларидан келган моҳир  дўмбирачилар иштирок этган нуфузли маданий анжуман миллий мусиқа санъатининг бетакрор жозибасини яна бир бор намоён этди.

Тадбирда Туркистон вилояти ҳокими ўринбосари Ертай Алтаев иштирок этиб, дўмбира халқ тарихи, миллий хотираси ва маънавий бирлигини ўзида мужассам этган муқаддас мерос эканлигини таъкидлади. Шунингдек, вилоятда айтишув, терма, анъанавий қўшиқ ва куй санъатини қўллаб-қувватлашга қаратилган лойиҳалар изчил давом этаётганини қайд этди.

Танлов якунларига кўра, бош соврин Алматы шаҳридан иштирок этган Инкар Кузембайга насиб этди. Ғолиб ва совриндорлар диплом ҳамда қимматбаҳо совғалар билан тақдирланди.

Миллий дўмбира куни доирасида ташкил этилган мазкур танлов Туркистоннинг миллий маданият ва маънавият марказларидан бири сифатидаги мавқеини янада мустаҳкамлади.