Туркистон вилоятининг “Жанубий Қозоғистон” ижтимоий-сиёсий газетаси, Қозоғистон ўзбек этномаданият бирлашмалари «Дўстлик» ҳамжамияти қошидаги «Ижодкор» адабий бирлашмаси ва «Адабиёт ва санъат» газетаси таҳририяти ҳамкорлигида атоқли ўзбек шоири Миртемир Турсунов таваллудининг 110 йиллигига бағишлаб ўтказиладиган “Каъбамсан, шеърият, эзгу эҳромим!” мавзуидаги “Назм юлдузлари – 2020” Халқаро онлайн танловининг Низоми

Танловнинг мақсади

Тадбирнинг мақсади – ўзбек адабиётига салмоқли ҳисса қўшган шоир Миртемирнинг 110 йиллик юбилейини муносиб нишонлаш, ёш авлодни унинг ижоди билан яқиндан таништириш, Қозоғистондаги ўзбек адабиётини ривожлантириш, истеъдодли ижодкорларни халққа танитиш ҳамда миллатлараро дўстлик ва ҳамжиҳатликни мустаҳкамлаш.

Иштирокчиларга қўйиладиган талаблар

Танловда барча  ёшдаги ижодкорлар  иштирок эта олади. Уларнинг ёши, жинси, яшаш манзили чекланмайди. Ижодкорларни рағбатлантириш мақсадида танлов гуруҳлар орасида алоҳида ўтади.  (18 ёшгача бўлганлар, 18 ёшдан 45 ёшгача  ҳамда 45дан юқори ёшдаги ижодкорлар).

Асарлар бадиий савияси, адабий тил ва шеърият меъёрларига мослиги, мавзуларнинг аниқ ва тўлақонли ёритилишига кўра баҳоланади.

Танловга илгари эълон қилинмаган шеърий, насрий ва публицистик асарлар жорий йил 5 сентябргача janubiy@inbox.ru ҳамда adabiyotsanat@mail.ru эл. почталари ҳамда ижтимоий тармоқлар орқали қабул қилинади ва натижалар 6 сентябрда чиқарилади.

Танлов мавзуси

Танловга юборилган ижод намуналари Миртемир хотирасини ёдга олиш, дўстлик, тинчлик, Ватан, она диёрга меҳр-муҳаббат каби мавзуларни қамраши зарур.

Асарлар «Миртемир – 110 ёшда» бадиий танловига деб кўрсатилиши, шунингдек, унда ижодкорнинг исми-шарифи, манзили, алоқа телефони рақами ҳамда ёши кўрсатилиши керак.

Ғолибларни рағбатлантириш

Ҳакамлар томонидан “Энг яхши” деб топилган асар муаллифига Миртемир номидаги Халқаро адабий соврини топширилади. Ғолиб ва совриндорларга диплом ҳамда қимматбаҳо совғалар берилади. Шунингдек, рағбатлантирувчи мукофотлар таъсис этилган. Миртемир ижодидан ёддан ўқилган энг яхши  видеоролик учун алоҳида соврин белгиланган. 

Мурожаат учун телефон: 8-775-92-40-422 (Баҳодир Оташ). 

Ташкилий қўмита.