Роппа-роса 1 йил аввал муҳтарам Президентимиз халққа Мурожаат қилиб,  сиёсий транформациянинг асосий бешта йўналишини белгилаб берган эди. Унга кўра 2024 йилгача давлат хизматчилари ва миллий компанияларнинг ходимлари сонини 25 фоизга босқичма-босқич камайтириб бориш, кичик ва майда бизнес субъектларини уч йилга солиқдан озод этиш, рақамли  иқтисодиётни ривожлантириш ва бошқа муҳим чора-тадбирлар белгилаб олинган эди. 

Бу галги Мурожаатда Президентимиз Қасим-Жўмарт Тўқаев бизнесни пандемия шароитларида ривожлантиришга катта эътибор қаратганини қўллаб-қувватлайман. Сабаби, бутун жаҳонни оғир касаллик қамраб олган пайтда бу соҳани қўлга олиб, давлат миқёсида ёрдам берилишини тўғри қарор деб ҳисоблайман.

Таълим соҳасида ҳам Ҳукуматга янги топшириқлар берилди. Зеро, билимли ёшлар – келажагимиз. Заковатли ва билимли ёшларга кенг йўл очиб берилсагина, юртимиз обод бўлади.

Мамлакатдаги йирик корхоналар ва хомашё билан шуғулланадиган компаниялар илм-фанни молиялаштириб туриши зарурлигини таъкидлади. Даромадидан 1 фоизини илм-фан ва технологияни ривожлантиришга сарфлаш ҳақидаги фикрлари ўта ўринли. 

Биз ҳам имкон қадар муҳтарам Президентимизнинг  Мурожаатида айтилган фикрларини амалда қўллаб, давлатимиз фаровонлигини таъминлашга ўз улушимизни қўшишимиз керак.