Туркистонда “Миллий мактаб лигаси” спорт мусобақасининг очилиш маросими ўтди

Пандемия “туфайли тўхтатилган жамоавий спорт мусобақалари Туркистон шаҳрида изга туширилмоқда. Тўртта жамоа қатнашадиган “Миллий мактаб лигаси”нинг саралаш ўйинлари тўрт кун давом этди. Унда карантин қоидаларига тўлиқ амал қилинади. Иштирокчиларнинг тана ҳарорати текширилиб, оралиқ масофа сақланади. Миллий мактаб лигаси доирасида волейболдан уюштирилган шаҳар саралаш ўйинларини томоша қилишга келган Туркистон вилояти ҳокими Ўмирзақ Шўкеев ўқувчиларга муваффақият тилади.

– Ғалабага ишончинглар ҳеч қачон сўнмасин. Ҳамиша жисмонан бақувват, соғлом бўлишга интилинглар. Сизларга мерос бўлиб қолаётган эл бирлигини кўз қорачиғидек асраб-авайланглар! Ғалабали одимларингиз бардавом бўлсин, – деди вилоят раҳбари.

Миллий мактаб лигаси доирасида футбол, баскетбол, гандбол, волейбол спорт турларидан ўтадиган мусобақаларга спорт мактабидан мураббий, касбий мутахассислар бириктирилган. Мусобақа иштирокчиларининг ўз логотипи, мадҳияси мавжуд. Ўқувчиларни мусобақага махсус автобуслар ташийди. Саралаш мусобақалари январь ойида ниҳоясига етиб, сўнгра туманларнинг чемпион жамоаси аниқланади.

Мазкур лига мусобақаларида энг кучли спортчи-ўқувчилар қатнашмоқда. Ғолиб жамоалар вилоят, республика, халқаро мусобақаларда қатнашиб, юрт шарафини ҳимоя қилади. 

Март ойида лига ўйинларининг вилоят босқичи уюштирилади.