2020 йилда Қозоғистонда 200та мактаб барпо этилади. Буни  Ҳукумат йиғилишида ҚР Таълим ва фан вазири Асхат Аймағамбетов маълум қилди.

– Инфратузилма  масалалари ҳали ҳам долзарб бўлиб қолмоқда. Президентимиз топшириғига биноан бу йил 200та мактаб қурилади. Янги таълим муассасалари қурилиши тўрт йўналишда олиб борилади, улар – давлат-хусусий ҳамкорлиги доирасида, модулли, хусусий мактаблар тармоғини ривожлантириш ва давлат бюджети ҳисобидан барпо этиш, –  деди Асхат Аймағамбетов. Унга кўра, мактабларни қуриш бўйича йўл харитаси 10 февралга қадар тасдиқланади. 

Эслатиб ўтамиз, Президент ҚР Таълим ва фан вазири Асхат Аймағамбетов билан учрашув чоғида махсус таълимга муҳтож болалар сони тобора кўпайиб бораётганини таъкидлаб, билим даргоҳлари қуришни жорий йилдан бошлашни топширган эди:

– «Nur Otan» партиясининг сайловолди дастури  доирасида 2025 йилга қадар 800 та янги мактаб қуриш ваъда қилинган. Бу ишни ҳозирдан бошлаш керак. Бу йил мен 200та янги мактаб қуришни   топшираман.