Сайрам туманида 2020 йили ялпи ҳудудий маҳсулот ҳажми 158,6 млрд. тенгега етган. 2019 йилга нисбатан ўсиш 5,8 фоизни ташкил этмоқда. Минтақавий маҳсулотнинг 57 фоизи қишлоқ хўжалиги соҳасига тегишли. Саноат соҳасида ўсим 8,4 фоизга ошса, қишлоқ хўжалиги маҳсулоти 6,2 фоизга ўсган. 

Шу билан бирга, ўтган йили туманда саноат соҳасида 30 млрд. тенгелик маҳсулот ишлаб чиқарилиб, вилоятдаги улуши бўйича 4-ўринни эгаллаган. 

Шунингдек, ҳудудга 2,3 млрд. тенге сармоя жалб этилиб, жами 131та иш ўрини очилган.

Қишлоқ хўжалиги соҳасида 89 млрд. тенгелик маҳсулот етиштирилиб, вилоятдаги улуши бўйича 2-ўринни эгаллади. Чунончи, чорвачиликда 51,8 млрд. тенге, деҳқончиликда 36,9 млрд. тенгелик маҳсулот етиштирилган. 

Янгидан 154 гектарга томчилатиб суғориш тизими жорий этилиб, иссиқхоналарнинг умумий майдони 48 гектарни ташкил этди. Шунингдек, вилоятдаги энг йирик мол бўрдоқилаш мажмуаси ҳисобланадиган “Нурим Групп” МЧБ янги технологияларни татбиқ этиб, қўшимча 5 минг бош буқа харид қилди. Ҳозирги кунда бу ерда 15 минг бош қорамаол бўрдоқиланмоқда.