Туркистон вилоятининг туризм бошқармаси “Turkistan Tourizm Center” сайёҳлик ахборот маркази билан ҳамкорликда Туркистон шаҳрида салоҳиятли гид-экскурсоводлар учун махсус сабоқлар уюштирди.

Мақсад – вилоят сайёҳлик масканлари билан таништиришнинг касбийлик сифатини ошириш ва минтақамизга келадиган меҳмонлар ва сайёҳлар билан ишлайдиган гид-экскурсоводларнинг малакасини ошириш ва тайёрлашни кўзда тутади.

Минтақанинг тарихи, қозоқ халқининг маданияти ва анъаналарини яхши биладиган касбий гид-экскурсовод вилоятга келувчи меҳмонларда илк таассурот қолдирувчи шахслардан биридир.

Ўз навбатида, семинарга қозоқ, турк, инглиз тилларини етук ўзлаштирган 50 нафар юқори курс талабаларини ўқитиш ва уларни келажакда касбий гид-экскурсовод сифатида тайёрлаш, уларни республика ягона рўйхатига киритиш режалаштирилган.

Иштирокчилар гид-экскурсоводлар саводхонлигини ошириш, билимини такомиллаштириш мақсадида туризм соҳасида меҳнати сингган, тарих фанлари доктори, профессор Қўжа Муқтар Бақадирули ва гид-экскурсовод, доцент Майра Рахимбековадан таълим олишмоқда.

Семинар-тренинг натижасида минтақанинг туристик иншоотлари ҳақидаги ахборотни сифатли етказиш, малакали кадрларни рағбатлантириш, туристик индустрия соҳасида инсоний захираларни ривожлантириш, йўналишларни тўғри режалаштириш, гид-экскурсовод хизматининг сифатини ошириш ҳақида атрофлича мулоҳазалар юритилди.

Ишонамизки, гидлар томонидан олинган янги билим ва кўникмалар пандемиядан кейинги даврда 

сайёҳларга юксак даражада хизмат кўрсатишга ёрдам беради.