Туркистонлик шифокорлар беморнинг ошқозонини кичрайтирадиган жарроҳини амалга оширишди. 

Ошқозони кичрайган бемор 15-80 килогача вазн ташлаши мумкин экан. Шифокорларнинг айтишича, бошқа чора қолмагач, жарроҳига мурожаат этилади. 

Туркистон вилоят клиник касалхонасининг олий тоифали жарроҳи Женис Серғазиннинг фикрича, вазн йўқотишга оид жарроҳиларнинг бир қанча тури мавжуд. Ошқозонни кичрайтириш жарроҳиси эса, яъни лапароскопия бариатрик жарроҳи беморнинг ёши ва саломатлигига қараб амалга оширилади. 

– Сўнгги йилларда семизлик дардига мубтало бўлганлар сони ортиб бормоқда. Бундай бемор дарҳол жарроҳилик столига ётқизилмайди. Аввал, парҳез ва жисмоний тарбия билан даволашга киришилади. Баъзан руҳий коррекция усули қўлланилади. Агар булар фойда бермаса, жарроҳиликка мурожаат қилинади, – дейди шифокор. 

Туркистонлик шифокорлар вазни 135 кило бўлган беморни жарроҳи қилишди. 47 ёшдаги фуқаро ортиқча вазндан ташқари, артерия гипертензиясига ҳам чалинган. Бошқа аъзоларида ҳам дардлари етарли. 

Шифокорларнинг айтишича, жарроҳидан ўн кун ўтгач, бемор 10 кило вазн йўқотган, ҳозир ўзини яхши ҳис қилмоқда.