Наврўз байрами арафасида Элбоши ва ҚР Президентининг топшириғига биноан ташкил этилган Fly Arystan авиакомпанияси Қозоғистоннинг маънавий пойтахти Туркистон шаҳридаги "Ҳазрат Султон" қўналғасидан Туркиянинг пойтахти Истанбул шаҳрига дастлабки мунтазам халқаро авиарейсни бошлади. 

Туркистон ва Истанбул шаҳарлари ўртасида доимий авиапарвозлар ҳафтада икки марта, жума ва якшанба кунлари А-320 самолётлари ёрдамида амалга оширилади. Кейинчалик, рейслар сони ошади. Чипталар 39 999 тенгедан бошланади. Туркистон – Истанбул дастлабки рейсига 176 та чипта (98 фоиз) сотилди.

 2020 йил 1 декабрь куни фаолиятини бошлаган Туркистон шаҳар аэропортидан шу кунгача 80дан зиёд рейс амалга оширилиб, 23 мингга яқин йўловчи парвоз қилди. Ҳозирги кунда Туркистон шаҳар аэропортидан Нур-Султан, Алмати ва Атирауга ички рейслар амалга оширилмоқда. Жорий йилнинг иккинчи чорагидан бошлаб, туркий оламнинг маънавий маркази сифатида Туркистонни 10 та вилоят маркази (Ақтау, Ақтўбе, Атирау, Қарағанди, Кўкшетау, Қўстанай, Павлодар, Петропавл, Талдиқўрған, Ўсткемен) билан боғлаш режаланган (ҳафтасига 53 рейс ). 

Туркистон шаҳар аэропорти хорижий авиакомпаниялари Билан ҳамқорлик қилиш мақсадида «Очиқ осмон» тартиби"ни жорий қилган. Бу парвозлар географиясини кенгайтириб, аэропортни янада жозибадор қилади ҳамда хорижий сайёҳларни кўпроқ жалб қилиш имконини беради. Туркистондан Новосибиргача (Россия), Бишкекка (Қирғизистон), Тошкентга (Ўзбекистон) ва бошқа шаҳарларга янги парвозларни йўлга қўйиш режаланган. Рейслар санитария-эпидемиология талабларига қатъий риоя қилинган ҳолда ва авиакомпания сайтида эълон қилинган жадвалга мувофиқ амалга оширилади.

Тантанали тадбирда вилоят ҳокимининг ўринбосари Сакен Калкаманов иштирок этди ва йўловчиларни табриклади.

– Янги парвоз Туркия ва Қозоғистон ўртасидаги халқаро ва савдо-иқтисодий алоқаларни мустаҳкамлашга ҳамда сайёҳликни ривожлантириш имконини кенгайтиради, – деди Сакен Қалқаманов. – Атирау шаҳрига чипталар нархи 9 мингдан бошланади. Бу эса Ғарб билан Жанубни боғлаб, икки минтақа тараққиётига янги жўшқинлик беради.