Туркистон шаҳридаги таълим муассасаларининг ўқувчилари “Элбоши” медали билан тақдирланди. Лойиҳага 11 мингдан зиёд ўқувчи, 600 нафар мураббий, 17 нафар минтақавий мувофиқлаштирувчи ва таҳлилчилар жалб қилинган эди. Лойиҳа доирасида иштирокчилар жисмоний тайёргарликларини такомиллаштиришди, миллий меросимизни ўрганиб, жаҳон ва қозоқ адабиёти билан яқиндан танишишди, меҳнат амалиётидан ўтишди. Шунингдек, мамлакатимизнинг турли бурчакларига бориб, Қозоғистон тарихини чуқур ўрганишди ва кўнгилли сифатида жонбозлик кўрсатишди.
Лойиҳа 6 ой давом этди. Улар қаторида Некрасов номли 9-сонли, Отатурк номли 17-сонли, М. Жумабаев номли 15-сонли мактаб-гимназияси, Ж. Ташенов номли 23-сонли IT мактаб-лицейи, Ж. Жабаев номли 11-сонли, Б. Мўмишули номли 22-сонли, Н. Тўреқулов номли 8-сонли ва А. Навоий номли 13-сонли умумий ўрта мактаб ўқувчилари бор.
Шаҳар ҳокими Рашид Аюпов Нурсултан Назарбаев жамғармасининг қўллови билан «Элбоши Академияси» корпоратив жамғармаси амалга оширган “Эл умиди” лойиҳасининг ғолибларини медаль, кўкрак нишони ва ташаккурномалар билан тақдирлади.
Мазкур лойиҳа ўтган йилнинг июль ойида 7та йўналиш бўйича бошланган эди. Улар – спорт, истеъдод ва маҳорат, мутолаа, миллий мерос, кўнгиллилар, саёҳат ва пиёда юриш, меҳнат тажрибаси.