Туркий оламнинг маънавий пойтахти – Туркистонда Яссавий мақбараси ҳудудидаги ботаника боғида сакура дарахти гуллади. Ислом боғи асосида барпо этилган ушбу боғда 200 туп сакура дарахти, ноёб ниҳоллар ўтқазилган. 7,7 гектар ерда қарор топган ушбу ҳордиқ масканида яқин кунларда минглаб гилослар пушти, бинафша, оқ рангларда товланиб гуллаш арафасида.
Вилоят ҳокими Ў. Шўкеев Туркистон шаҳридаги қурилиш майдонларида олиб борилаётган ишлар билан танишди.
Ботаника боғида Германиядан махсус олиб келинган дарахт ва гул кўчатларининг 50дан зиёд тури ўтқазилган. Шу жумладан, манзарали дарахт кўчатлари ва турли гуллар, тут, чинор, дўлана, гуллар, атиргул ва лолалар.
Ушбу яшил ҳордиқ масканида баландлиги 1 метрдан ошмайдиган мингга яқин ёруғлик мосламалари алоҳида безак сифатида ўрнатилган.
Шунингдек, бу ерда манзарали сув ҳавзаси ва фавворалар барпо этилди.
Шаҳардаги янги истироҳат боғлари ва ҳордиқ масканларини оралаган вилоят ҳокими қурилиш ва таъмирлаш ишларини 10 кун ичида тўлиқ якунлашни топширди.
6 гектар майдонда жойлашган “Рамзлар майдони”да кўкаламзорлаштириш ишлари жадал суръатларда олиб борилмоқда. Бу ерда 2 минг туп кўчатлар ўтқазилиб, чим ётқизилади.
Вилоят ҳокими шаҳардаги ушбу масканларнинг қурилиши белгиланган муддатдан кечикаётгани учун пудратчи компаниялар фаолиятини танқид остига олди.
Компания вакилларига барча ишларни сифатли ва ўз вақтида якунлаш юзасидан кўрсатма берди.