Туркистон вилояти мамлакатимиздаги уюшган жиноятчилик даражаси паст бўлган беш минтақадан бири

Ўтган йилнинг натижаларига кўра, маҳаллий ижро органлари ходимлари орасидаги уюшган жиноятчиликка оид ҳуқуқбузарликлар сони 33,7 фоизга камайди. «2015-2025 йилларда Қозоғистон Республикасининг Уюшган жиноятчиликка қарши кураш дастури»ни амалга ошириш ва «Яширин иқтисодиётга қарши курашга доир 2018-2020 йилларга мўлжалланган минтақавий ҳаракатлар режаси»га мувофиқ, коррупциянинг олдини олиш юзасидан тизимли ишлар олиб борилмоқда. Тадбирлар асосан унга барҳам бериш ва олдини олишга қаратилган. Бу ҳақда Туркистон вилояти ҳокими Ўмирзақ Шўкеев раислигида ўтган уюшган жиноятчиликка қарши кураш бўйича комиссиянинг навбатдаги мажлисида ахборот берилди.

Учрашувда Уюшган жиноятчиликка қарши кураш агентлиги раисининг маслаҳатчиси Жазира Жилқишиева, Агентликнинг Туркистон вилояти бўйича департамент раҳбари Ҳаким Қўшқалиев, «Парасат жолы» Республика маркази раҳбари, ёзувчи, жамоат арбоби Садибек Тугел, вилоят ҳокимининг ўринбосарлари ва бошқарма раҳбарлари иштирок этди.
Йиғилишда уюшган жиноятчиликка қарши курш бўйича ҳудудий бошқармалар томонидан амалга оширилаётган чора-тадбирлар муҳокама қилинди. Шунингдек, Агентлик томонидан амалга оширилаётган лойиҳалар, қонунчиликдаги янгиликлар тўғрисида сўз юритилди.
– Тадбирни ўтказишдан мақсад – маъмурий қонунчиликка 5 апрелдан кучга кирган ўзгартиришларни тушунтириш. Ушбу ўзгаришларга мувофиқ, агар давлат органи раҳбари уюшган жиноятчиликнинг олдини олиш чораларини кўрмаса, унга жарима солинади. Ёки агар давлат ёки квази-давлат органлари раҳбарлари илгари уюшган жиноятчиликда айбланиб, судланган фуқароларни иш билан таъминласа, улар ҳам жаримага тортилади. Жисмоний ёки ҳуқуқий шахсларнинг тадбиркорлик фаолиятига ноқонуний аралашгани ва улардан «совға» олгани учун ҳам жаримага тортилади. Умуман олганда, коррупциянинг олдини олиш билан боғлиқ бир нечта дастак мавжуд. Таҳлил ва мониторинг олиб бориш керак. Биз таклифларни илгари суришимиз керак, – деди Жазира Жилқишиева.
Таъкидлаш жоизки, «Очиқ бюджетнинг интерфаол харитаси» лойиҳаси доирасида Туркистон минтақасида 1352та давлат муассасаси ўз бюджетларини 100 фоиз очиқ манбаларга жойлади. Барча туман, шаҳарлар ва вилоят бошқармаларида коррупция хатарлари бўйича 280та ички таҳлил ўтказилди. «Эшитувчи давлат» дастурини бир дарча тамойили асосида амалга ошириш учун вилоятнинг барча шаҳар ва туманларида хизмат кўрсатиш ҳокимликлари очилди. Вилоят туман ва шаҳар ҳокимликлари томонидан хизмат кўрсатиш шаклига ўтиш масалалари тўлиқ қамралди. Хизмат ҳокимликлари уй-жой қурилиши, ер муносабатлари, қишлоқ хўжалиги техникаси, ижтимоий ва тадбиркорликни қўллаб-қувватлаш соҳаларида хизматларни кўрсатади.
 Шунингдек, Туркистон шаҳрида иккинчи фронт офис ва «Заковат маркази» очилди.
Шу билан бирга, Туркистон вилоятида давлат хизматларининг шаффофлиги ва очиқлигини таъминлаш мақсадида «Бошқармалар уйи» биносида «Очиқ ҳокимлик» ташкил этилди. Бундан ташқари, Туркистон вилоятида аҳоли учун тўсиқсиз муҳит шакллантириш мақсадида 67та давлат муассасаси «Ореn space», яна 84та давлат муассасаси фронт-офиc шаклида фаолият юритмоқда.
Таъкидлаш жоизки, лойиҳа давлат хизматларини рақамлаштиришга сезиларли даражада жўшқинлик берди. Минтақада рақамлаштириш даражаси 93 фоизга етди. Халқаро андазаларга мувофиқ, бу кўрсаткич камида 90 фоиз бўлиши керак эди. Албатта, бу тадбирлар соҳада маиший уюшган жиноятчилик даражасини пасайтириш имконини бермоқда.
Минтақа раҳбари Президент томонидан берилган уюшган жиноятчиликка қарши курашни кучайтириш юзасидан кўрсатмалари доирасида олиб борилаётган ишлар, галдаги вазифалар ва устувор йўналишларга эътибор қаратди. Минтақавий тадбирлар режасига мувофиқ ва коррупциянинг олдини олиш мақсадида амалга оширилаётган ишларнинг аҳамияти таъкидланди.
 – Жиноятни жазолашдан кўра, унинг олдини олиш тадбирларининг йўлга қўйилиши қай даражада оқилоналиги аллақачон исботланган. Департамент коррупциянинг олдини олишга алоҳида эътибор қаратиб, аниқ натижаларга эришмоқда. Натижада у барча кўрсаткичлар бўйича республикада пешқадам. 12 ой давомида уюшган жиноятчиликнинг умумий даражаси ўтган йилга нисбатан 33,7 фоизга камайди.
 Бугунги кунда коррупцияга қарши кураш мақсадларига фақат жиноят-ҳуқуқий воситалар билан эришиб бўлмаслигини ҳаётнинг ўзи кўрсатмоқда. Ўйлаймизки, унга курашда нафақат давлат органлари, балки, жамият ва умуман барча фуқароларимиз масъулдирлар. Шундай экан, давлат ва жамият бундай иллатни олдини олиш ва унга қарши курашда ҳамжиҳатликдаги ҳаракатигина самарали натижаларга эришишнинг энг мақбул йўли бўлиб ҳисобланади. Бу йўналишда ишлар давом этади, – дея таъкидлади вилоят ҳокими.