Туркистон шаҳрида барпо этилган Кенсай-Қўшқўрғон-2 сув омборига сув қуйила бошлади. Натижада, кўп сув жамғармасига эга бўлмаган шаҳарда обикор сув масаласи ҳал этила бошлади. Қорасув дарёсининг шаффоф, тоза сувини сақлашга мўлжалланган янги омборнинг ишга туширилиши сув тошқини хавфини камайтиради.
Эслатиб ўтамиз, ўтган йили ушбу лойиҳа вилоят ҳокими Ўмирзақ Шўкеевнинг ташаббуси билан амалга оширилган эди. Вилоят раҳбари янги иншоот қурилишини шахсан ўзи назорат қилди.
– Келажакда Кентов ва Туркистоннинг орасидаги масофа воҳага айланади. Янги сув омборларининг сони ортади. Бу минтақада балиқчиликни ривожлантиришга таъсир кўрсатди. Сув омборлари соҳилида ҳордиқ ҳудудлари очилади. Энди сувдан самарали фойдаланиб, суғориладиган майдонлар учун сарфлаш мумкин, – деди шаҳардаги сув омборларининг қурилишини назорат қилган минтақа раҳбари.
Туркистон вилоятида обикор сув тақчиллигини ҳал этиш мақсадида йирик сув иншоотларининг қурилиши юритилган. Ҳажми 18 млн. куб метр сув омборига 1 млн. куб метр сув жамланди. Келгусида уни 10 млн. куб метргача етказиш режаланмоқда. Сув омборининг 9,8 чақирими тўлиқ бетон билан қопланди. Сув етказувчи каналнинг 14,5 чақирими қазилди. Лойиҳа тўлиқ ишга туширилса, Туркистон шаҳрига йилига қўшимча равишда 34 млн. куб. метр сув боради.
Вилоят раҳбарларининг кўрсатмасига биноан минтақадаги барча сув тармоқлари ва тизимлари рақамлаштирилади.