Туркистон вилоятида янги фармонга биноан барча давлат муассасаларидаги идора ходимларининг 50 фоизи масофадан ишлаш тартибига ўтмоқда. Бундан ташқари, илгари рухсат берилган жума ва таровеҳ намозлари вақтинча тўхтатилади, оилавий тадбирлар, чунончи, маърака ва маросимлар ҳамда ифторлик қилиш тақиқланади. Бу ҳақда вилоят бош санитария шифокори Нурбек Нишанов брифингда маълум қилди.
Бундан ташқари, умумий овқатланиш корхоналари иш ва дам олиш кунлари соат 09.00 дан 22.00 гача хизмат кўрсатишлари мумкин. Хонадаги мижозлар сони 50 фоиздан ошмаслиги шарт.
– Янги фармонга кўра, минтақадаги барча спорт тадбирлари бекор қилинади. Бильярд, боулинг, компьютер клублари, кўнгилочар марказлардаги болалар ўйин майдончалари ва ўйин аттраксионлари фаолияти тақиқланади. Илгари театрлар томошабинларнинг 50 фоизигача хизмат қилар эди, ҳозир эса 20 фоиз, – деди бош санитар шифокор.
Шунингдек, брифингда иштирок этган вилоят бош шифокори Марат Пашимовнинг таъкидлашича, жорий йилнинг 14 апрелидан бошлаб кунига ўртача 28тадан «COVID-19» юқтириш ҳолати қайд этилган.
– Жорий йилнинг 8-14 апрел кунлари 169та коронавирус инфекцияси қайд этилди, касаллик ўтган ҳафтага нисбатан 45тага кўпайган. Вилоятда юқумли касаллар учун 610та ҳамда 300та карантин ўринлари тайёр.
Вилоятга жами 43 400 доза «Спутник V». Вакцинаси етказиб берилди. Бугунги кунга қадар 39 840 киши 1 компонент билан эмланган. Бундан ташқари, 22 февралдан бошлаб қайта эмлаш ишлари олиб борилиб, 12 минг 700 кишидан 11 минг 665 киши эмланди, – деди М. Пашимов.
Апрель ойидан бошлаб Туркистон вилоятида умуммамлакат ихтиёрий эмлаш тадбири бошланди. Режага кўра, шаҳар ва туман аҳолиси маҳаллий поликлиникалар ва мобиль станц ияларда эмланишлари мумкин. Бундан ташқари, аҳоли «Egov» электрон тизими орқали олдиндан рўйхатдан ўтишлари ва ўз хоҳишлари билан эмланишлари мумкин.
 Туркистон шаҳрида жами 10та эмлаш пункти ташкил қилинган. Сайёр эмлаш бригадалари сони 20тани ташкил қилади.