Элбоши кутубхонасида “Туркистон – туркий оламнинг маънавий пойтахти” мавзуида ўтган халқаро видеоанжуманда вилоят ҳокими Ўмирзақ Шўкеев янги қурилган иншоотлар тўғрисида ахборот берди.
Тадбирда қозоғистонлик ва хорижий давлатлар арбоблари ва олимлар иштирок этди.
Анжуманда сўзга чиққан Туркистон вилояти ҳокими Ўмирзақ Шўкеев Мустақиллик йилларидан бошлаб Туркистонни ривожлантириш, Туркий халқларга умумий маънавий марказ даражасида муносиб этиш – Элбоши орзуларининг асосий мақсади эканини таъкидлади.
– Туркистон шаҳри тиклана бошлади. Туркий оламнинг маънавий маркази сифатида улуғланадиган Туркистон шаҳри энди улкан қурилиш майдонига айланди ва тараққиётнинг янги босқичига кўтарилди. Ҳозирда шаҳар 3 йўналишда ривожланмоқда. Хожа Аҳмад Яссавий мақбараси ҳудуди тўлиқ ободонлаштирилиб, зиёратчилар учун қулай шароитлар яратилди. Яссавий ва Робия Султон мақбараларини қайта тиклаш, Ҳазрат Султон қўриқхона-музейи ҳудудини ободонлаштириш, қадимги Култўбе қалъаси тарихий жойларини тиклаш ишлари жадал давом этмоқда. Тарихий ва маданий марказда “Ташриф маркази”, “Буюк Дашт” маркази, Яссавий музейи, “Фараб” кутубхонаси, театр, мамлакатдаги дастлабки халқаро туризм ва меҳмондўстлик университети каби бир қанча муҳим иншоотлар барпо этилган, – деди вилоят ҳокими. – Ҳозирги кунда Туркистон шаҳри – халқаро тадбирлар, сиёсий ва иқтисодий муаммоларни ҳал этишга тўлиқ тайёр. Мен туркий тилли давлатлар билан ҳамкорликда уюштириладиган анжуманларни туркий оламнинг маданий пойтахти – Туркистон шаҳрида ўтказишни таклиф қиламан.