Вилоят ҳокими Ўмирзақ Шўкеевнинг кўрсатмасига биноан Туркистон шаҳрида автотураргоҳ муаммосини ҳал қилиш юзасидан ишлар олиб борилмоқда. Бугунги кунда Хожа Аҳмад Яссавий мақбараси атрофида 2 мингта автомашина учун тўхташ жойи мавжуд. Ҳозирда ушбу йўналишда полиция билан ҳамкорликда иш олиб борилмоқда.
Туркистонда автотураргоҳнинг озлиги қатор муаммоларни келтириб чиқармоқда. Хусусан, сайёҳлар Маънавият ва маданият маркази ҳудудида тўхташ учун жой топа олмайди, машиналарини хоҳлаган жойга қўйиб, тирбандликларни юзага келтирмоқда. Шу муносабат билан вилоят раҳбарига "Туркистон сайти" лойиҳаси тақдим этилди.
Тўловли автотураргоҳ – бу тартибсиз тўхташ жойи муаммосини ҳал қилиш ва пиёдалар, жамоат транспорти ва автомашиналар қулай ҳаракатланишини яратиш учун имкониятдир.
Шаҳар қурилиш майдонларини кўздан кечирган вилоят раҳбари Туркистонга кириш қисмида барпо этилаётган 5 минг ўринли масжид қурилиши билан танишди. Бу бутун турк оламининг маънавий пойтахти бўлган Туркистон шаҳрига Ўзбекистон давлатининг туҳфаси.
Шарқий қиёфдааги Ислом марказининг майдони 20 минг квадрат метрни ташкил қилади, унинг атрофида 400 талабага мўлжалланган мадраса, кутубхона, тамаддихона, Никоҳ саройи ва бошқа иншоотлар барпо этилади.
Вилоят раҳбари яқинда қурилиши бошланган Назарбаев заковат мактабига ташриф буюрди. Барпо этилаётган таълим муассасасида 720 бола ўқийди. Бу ерда 120 ўринли ётоқхона ҳам барпо этилмоқда.
Ғарбий Европа – Ғарбий Хитой автомобиль йўлидан Майкотов кўчасигача бўлган автомобил йўлининг умумий узунлиги 6,5 чақирим. Унинг 5,5 чақирими  асфалтланди, симёғочлар ва ёритиш тизимлари ўрнатилди. Пиёдалар йўлаклари ва велосипед йўллари қурилмоқда.
М32 Самара – Шимкент автомагистрали ва 9-сонли кўча ҳудудига ўзгаришлар киритилиб, 4 қаторли йўл кенгайтирилади ва унинг ўрнига 6 қаторли йўл қурилиб, фойдаланишга берилади. Ушбу ҳудудга тунги ёритиш тизими ҳам ўрнатилмоқда.