2026 йилда Туркистон вилоятидаги 722та аҳоли манзили газлаштирилади. Бу ҳақда Ҳукумат йиғилишида ҚР Энергетика вазири Нурлан Нўғаев маълум қилди.
– 2021 йил 1 январь ҳолатига кўра, минтақани  табиий газ билан таъминлаш 64,4 фоизни ёки тахминан 1,3 млн. кишини ташкил этади. Таклиф этилаётган мажмуавий  режа доирасида Сўзақ  ва Мақтаарал туманларидаги 3та автоматлаштирилган газ тақсимлаш станциясидан магистрал газ қувури, шунингдек, газ тақсимлаш тармоқлари ҳамда  аҳоли манзилларига газ етказиб берадиган қувурларни қуриш режаланган, – деди Нурлан Нўғаев.
Вазирнинг сўзларига кўра, мажмуавий режа доирасида  2026 йилгача газлаштирилган аҳоли манзиллари сонини 423дан (1 млн. 274 минг одам) 722та (1 млн. 720 минг одам)га етказиш кўзланган.
– Бу минтақадаги  газлаштириш даражасини ҳозирги 64,4 фоиздан 85,4 фоизгача оширади. Ҳокимлик бунга бюджет дастурлари ва «Овул – эл бешиги» дастури доирасида, шунингдек,  маҳаллий бюджет ҳамда бошқа сармоялар ҳисобидан эришишни режаламоқда, –  деди Энергетика вазири.
Мухтасар қилиб айтганда, минтақамизнинг ҳар бир гўшасида намоён бўлаётган ўзгаришлар, туб янгиланишлар халқимиз томонидан қўллаб-қувватланаётгани баробарида, келажагимизнинг баланд ва мустаҳкам иморатини барпо қилишга ундамоқда.