Қозоғистон Президенти Қасим-Жўмарт Тўқаев Ўзбекистон бош вазири Абдулла Ориповни қабул қилди

Қ. Тўқаев икки томонлама ҳамкорликнинг ҳозирги ҳолатига ижобий баҳо бериб, долзарб муаммолар олдида юксак барқарорликни намойиш этилаётганини таъкидлади.
– Биз қардош қўшни Ўзбекистон билан ҳамкорликни ривожлантиришга устувор аҳамият қаратамиз, буни Марказий Осиё минтақасида барқарорлик ва хавфсизликни таъминлашнинг муҳим омили деб биламиз, – деди Давлат раҳбари.
Ўзбекистон Бош вазири Абдулла Орипов ўз навбатида, Қ. Тўқаевга учрашиш имконияти учун миннатдорчилик билдирди ва Ўзбекистон Президенти Шавкат Мирзиёевнинг самимий саломи ҳамда эзгу тилакларини етказди. Қозоғистон томонидан яқин йилларда ўзаро савдо ҳажмини 10 млрд. долларга етказиш вазифаси белгилангани ва мамлакатлар ҳукуматлари ушбу марраларни забт этиш йўлида қатъий қарор қилганликларини таъкидлади.
Учрашув якунида Қозоғистон Президенти Ўзбекистон билан муносабатларни ривожлантириш ва дўстлик ришталарини мустаҳкамлашга қўшган улкан ҳиссаси учун Ўзбекистон Бош вазири Абдулла Ориповни II даражали «Дўстлик» ордени билан тақдирлади.