Туркистон вилоятининг 1,6 миллион аҳолиси тиббий суғурта тизими иштирокчиси. Яъни, улар юқори технологик жарроҳи, МРТ, КТ, скрининг кўриклар, патронат хизматлари, амбулатория-шифокорлик ёрдами, стоматолик хизматларни бепул олишлари мумкин. Масала вилоят ҳокими ўринбосари А. Сабитов раислигида ўтган минтақавий штаб мажлисида муҳокама қилинди.
Тизимда суғурталанмаган 400 мингга яқин одам бепул хизматлардан фойдаланмаяпти. Уларнинг аксарияти бадал пулини мунтазам тўлаб бормайдиган фуқаролар. Демак, тўловларнинг барқарорлигига алоҳида эътибор қаратиш зарур.
– Тизим иштирокчилари орасида 15та имтиёзли тоифа давлат томонидан кафолатланган. Ахборот тармоқларида мазкур тоифаларнинг ижтимоий мавқеи аниқланмаганлиги сабабли, суғурта ҳуқуқларидан маҳрум бўлмоқда. Имтиёзли тоифага кирадиган фуқаролар сўзлари рўйхатдан ўтган шифохоналарига бориб, ижтимоий мавқеини аниқлаб олишлари зарур, – деди “Ижтимоий тиббий суғурта жамғармаси”нинг вилоятимиздаги филиали директори А. Бейсенбаев.
Жамғарма тиббий хизматларидан фойдаланиш учун 15та имтиёзли тоифага, кичик ва ўрта тадбиркорлик ходимларига вақтинча статус бериш ишини юритади. Йил бошидан буён “Qoldau 24/7” тезкор иловаси орқали 3380 имтиёзли тоифадаги фуқаро рўйхатдан ўтди.
МИТС тизимида суғурталанган шахснинг мавқеи тўғрисида саволлар бўлса, бадаллар ва тўловларга доир жамғарманинг 1406 ишонч рақамига қўнғироқ қилиш ёки “Qoldau 24/7” тезкор иловасига, телеграммдаги “SaqtandyryBot”, “fms.kz” расмий сайтлари орқали мурожаат этиш мумкин.