ЯМТнинг дастлабки натижалари: 123 мингдан зиёд абитуриент тест синовларидан муваффаққиятли ўтди

ЯМТ ёшлар учун кенг имкониятлар эшигини очмоқда. Изланган, интилган, мутолаага ошно фарзандларимизнинг эзгу орзу-истаклари эса бир олам. Ўрта маълумот олиб, ўзлари танлаган олий таълим муассасасининг талабаси бўлиш истагида юрганлар ана шулар жумласидандир.
Бугунги кунда 123 мингдан зиёд абитуриент ягона миллий тест топширди.
92 452 нафар битирувчи қозоқ тилида, 30 967 нафари рус тилида ва 263 нафари инглиз тилида тест топширдилар. Энг юқори балл – 140. 224 нафар битирувчи тақиқланган ускуналарни аудиторияга олиб киришга урингани учун ЯМТ топшириш имкониятидан маҳрум этилди. Тест синовлари қоидаларини бузгани учун 563 битирувчи аудиториядан чиқарилиб, уларнинг тест натижалари бекор қилинди.
Қозоғистон Республикаси Таълим ва фан вазирлиги Миллий тест маркази абитуриентларни фақат ўз кучларига таянишга, академик ҳалоллик қоидаларига қатъий риоя қилишга чақиради. Шунингдек, ҳар бир тест топширувчининг ҳаракати «Ҳар бир тест топширувчига – битта камера» тамойили бўйича вазият марказида кузатилиши ҳақида огоҳлантиради.