Туркистон вилояти ҳокими Ўмирзақ Шўкеев 2021 йилги Қозоғистон – Америка сармоявий форумида унинг иштирокчиларига минтақага сармоя киритиш имкониятлари ва истиқболлари ҳақида маъруза қилди.
Ўз навбатида, Америка Қўшма Штатлари, Бирлашган Араб Амирликлари ва Германиядан келган халқаро экспертлар ушбу минтақа мамлакатга сармояларни жалб қилиш бўйича етакчи ўринда эканлигини таъкидладилар.
2020 йилда вилоят 1,8 миллиард АҚШ доллари миқдорида қишлоқ хўжалиги маҳсулотларини ишлаб чиқариб, Германия, Литва, Украина, Польша, Латвия, Эстония, Туркия, Молдова, Марказий Осиё ва бошқа қўшни мамлакатлар бозорларига экспорт қилди. Агар АҚШлик ҳамкорлар ушбу йўналишга қизиқиш билдирса, Туркистон вилояти ўз маҳсулотларини Америка бозорига етказиб беришга тайёр.
Шу билан бирга, Туркистон минтақасида ишлаб чиқарилган маҳсулотларни бир ҳафта ичида Хитой ва Европага етказиб бериш имкониятини яратадиган минтақанинг махсус географик имкониятлари турли соҳаларда муваффақиятли сармоявий салоҳиятларни ошириш кўрсаткичларидан биридир.
Тўнғич Президент – Элбоши Нурсултан Назарбаев раҳнамолигида уч йилда амалга оширилган ишларнинг натижаларидан хулоса чиқарган вилоят раҳбари ҳозир сайёҳлик соҳасига сармоя киритиш учун энг қулай пайт эканлигини таъкидлади.