Сўнгги икки ҳафта давомида вилоятда COVID-19 инфекциясини юқтириш даражаси 440 ҳолатдан 225 ҳолатгача, яъни икки баравар камайди. Бугунги кунга келиб, тахминан 293 минг (91 фоиз) киши вакцинанинг 1-компоненти билан эмланган. Февраль ойидан буён Туркистон вилояти коронавирус тарқалиши жиҳатидан «яшил» ҳудудга кирди ва эмлаш бўйича мамлакатда биринчи ўринда.
Туркистон вилоятига жами 321 мингдан зиёд дозада вакцина етказиб берилган. Бундан ташқари, февраль ойидан буён 120 мингга яқин киши (75 фоиз) 160 мингга яқин доза билан эмланган. Маҳаллий QazVac вакцинаси билан 2000 киши (100 фоиз) 1-компонент, 879 (44 фоиз) киши 2-компонент билан эмланган. Май ойида Hayat Vax вакцинасининг 43 000 дозаси етказилди. 1-компонент 100 фоиз фойдаланилди. 15 мингга яқин киши (35 фоиз) 2-компонентни қабул қилди.
Туркистон вилоятини 185 минг доза Спутник V (Россия) ва 752 минг дозани ташкил этадиган QazVac маҳаллий вакцинаси билан таъминлаш режалаштирилмоқда. Вакцинани сақлаш ва ташиш шартларига қатъий риоя қилинган ҳолда, жами 128 пунктда эмлаш амалга оширилмоқда.