Туркистон вилояти, Ўтрор тумани, Темир станциясидан Манғистов вилоятига пичан ортилган 4та вагон йўлга чиқди. Эзгу иш туман ҳокимлиги ва фуқаролар кўмагида, Nur Otan партиясининг ташаббуси билан уюштирилди. Унда “Жас Отан” ёшлар қанотининг фаоллари ва кўнгиллилар ҳам қатнашди.
“Биз биргамиз!”, “Ўтрор туманидан – Ғарбий минтақага ёрдам”, “Ҳеч ким эътиборсиз қолмайди!” шиорлари остида уюшган ўтрорликлар эзгу ишни юқори даражада уюштира олдилар.
– Қурғоқчиликдан зарар кўрган ғарбий минтақа аҳолисидан барча қозоғистонликлар ёрдамини аямаяпти. Бу ишдан ўтрорликлар ҳам четда қолишни истамайди. Бизнинг кўмагимиз мазкур акция билан чекланиб қолмайди. Бугун 80 тонна пичан жўнатмоқдамиз, яна 120 тонна жўнатамиз, – деди Ўтрор тумани ҳокими Абдиғали Жунисов.
Таъкидлаш жоизки, вилоят ҳокими Ў. Шўкеевнинг ташаббуси билан “Қозоғистон темир йўллари” миллий компанияси” ҳиссадорлик жамияти билан шартнома тузилиб, логистика масаласи ҳал қилинган.
Nur Otan партияси вилоят филиали ҳам компанияга хат йўллаб, ижобий жавоб олган эди.