400 гектар майдонда жойлашган Туркистон шаҳридаги боғлар ва уларнинг парвариши, шаҳар ободончилиги ҳолати вилоят ҳокими Ўмирзақ Шўкеев раҳбарлигидаги мажлисда муҳокама қилинди.
Туркистондаги ҳар бир боғ ижодий ва ўзига хос мазмунга эга. Йиғилишда Туркистон шаҳар ҳокими Нурбўл Турашбеков бу борадаги янги усулларнинг самарадорлиги ҳақида гапириб, шу пайтгача бажарилган ишлар ҳақида ҳисобот берди. Умуман олганда, шаҳарда барпо этилган боғлар ва уларни парвариш қилиш мақсадида қуриган дарахтларни кесиш, ўриш ва тозалаш ишлари олиб борилмоқда. Тезкор гуруҳ томонидан аниқланган камчиликлар зудлик билан бартараф этилмоқда. Майсаларни суғоришда ҳар хил усуллар қўлланилади. Об-ҳавонинг ҳаддан ташқари исиши туфайли шамоллатиш усулидан фойдаланилади. Бу эса, ўз навбатида, асфальт йўлнинг иссиқ қуёшдан балқиб кетишини ҳимоя қилади, намлайди, иссиқ ҳаво кўтарилишига салбий таъсир қилади ва йўл бўйидаги дарахтлар униб-ўсишига ёрдам беради.
– Суғоришни интенсив ва самарали амалга ошириш мақсадида шаҳар майсазорларини автоматлаштирилган суғориш тизими билан таъминлаш 110 минг квадрат-метр майдонда бажарилмоқда. Сув пуркагичлар сифатли ва ўз вақтида суғоришни таъминлайди. Ишдан чиққан автоматлаштирилган суғориш тизими пудратчи компания томонидан бутунлай ўзгартирилиб, реконструкция ишлари олиб борилди, – деди Нурбўл Турашбеков. Майсазорларнинг суғорилиши устидан назорат кучайтирилди. Суғориш кунига 3 марта махсус машиналар билан амалга оширилади. Туркистонда кўкаламзорлаштириш ва санитария ҳолатини яхшилаш мақсадида умумхалқ тозалик тадбирлари ўтказилмоқда.