Вилоятимизда 4 нафар ўқитувчи йилнинг “Энг яхши педагог” унвонига эга бўлди

Ўқитувчилар куни арафасида “Үздік педагог-2021” республика танлови натижаси чиқарилиб, Туркистон вилоятининг тўрт нафар муаллими илғорлар қаторидан ўрин эгаллади.
Туркистон вилояти, Сариоғоч шаҳридаги 4-ихтисослаштирилган мактаб-интернатининг қозоқ тили ва адабиёти фани ўқитувчиси Султан Сулейменов, Жетисай туманидаги ихтисослаштирилган мактаб-интернатининг рус тили ва адабиёти фани ўқитувчиси Алтинай Пазилова, А. Исмаилов номидаги касб-ҳунар коллежининг махсус фанлар ўқитувчиси Мухтар Мирзаев ва Мақтаарал туманидаги Т. Аубакиров номидаги умумий ўрта мактабнинг тарих фани ўқитувчиси Тарбия Алибекова мамлакатимизнинг энг илғор ўқитувчилари деб эътироф этилди.
Ўқитувчиларнинг касбий байрами арафасида Таълим ва фан вазири Асхат Аймағамбетов “Үздік педагог-2021” республика танловининг ғолибларини тақдирлади.
Жорий йилда ўнинчи маротаба ўтган тантана Қозоғистон Республикаси Мустақиллигининг 30 йиллиги арафасида уюштирилиб, маориф соҳаси билимдон Ибирай Алтинсариннинг 180 йиллигига тўғри келди. Шу сабабли, байрам тантанаси Алтинсариннинг туғилган юртида ташкил қилинди.
2020 йилнинг январь ойида Давлат раҳбари Қ. Тўқаев “Педагоглар мақоми тўғрисида” қонунини имзолади. Натижада ўқитувчиларнинг ойлик маоши оширилиб, турли ортиқча вазифалардан халос бўлишди.
Тантанада республикамизнинг турли бурчакларидан келган 64 нафар ўқитувчи “Үздік педагог-2021” бўлиб, 1000 ОҲК (3 миллион тенге) миқдорида мукофот пули билан тақдирланди.