Тўлебий тумани – ижодкорларга бой макон. Бу ерда халқаро даражада машҳур бўлган рассомлар бисёр. Ижодкорлар юртида Мустақилликнинг 30 йиллиги арафасида Аққум қишлоғида “Рассомлар уйи” очилди. Тасвирий санъат маркази – шу ерда туғилган рассом, Қозоғистон Рассомлар уюшмаси аъзоси Қуттибек Жақиповнинг ташаббуси билан барпо этилди.
Маданият уйида рассомнинг “Тўлебий – Буюк Дашт маконим” мавзуида ижодий кеча уюштирилиб, унда мамлакатимизнинг турли бурчаклари ва чет эллардан келган меҳмонлар ижодкорнинг сара асарлари билан танишдилар.
“Рассомлар уйи”нинг очилиш маросимида туман ҳокими Тўлеген Телғараев, туманнинг фахрий фуқароси Кулия Айдарбекова, ҚР Рассомлар уюшмаси раиси Ўмирбек Жубаниязов иштирок этди.
– Миллатимизнинг тарихи, урф-одатлари, ҳаётини расмлар орқали намоён этадиган халқаро даражадаги кўргазмага Ўзбекистон, Қирғизистон давлатлари ва Нур-Султан, Алмати шаҳарларидан меҳмонлар ташриф буюришди. Бундан ташқари, ёш рассомларнинг “Бир ўлка – бир сурат” симпоизумининг кенгаши ҳам туманимизда бежиз уюштирилгани йўқ, – деди табрик сўзида туман ҳокими.