ҚР Маданият ва спорт вазирлиги, “Ҳазрат Султон” давлат тарихий-маданий қўриқхона-музейи РДХК ташаббуси билан мактаб ўқувчилари ўртасида анъанавий “Яссавийшунослик – 2021” республика танлови ўтди.
Йигирма тўртинчи бор ўтказилаётган беллашувда юртимизнинг вилоят, шаҳарларидан энг яхши деб топилган 30 нафар даъвогар иштирок этди. Танловни очган “Ҳазрат Султон” музейиг директори вазифасини бажарувчи Ерсин Тажибаев барча иштирокчиларни Мустақилликнинг 30 йиллиги билан қутлаб, ёш яссавийшуносларга муваффақият тилади.
Танловнинг мақсади – туркий халқларнинг маънавий бирлигини шакллантирган Хожа Аҳмад Яссавийнинг ҳикматларини тарғиб қилиб, ёш авлодни буюк аждодларимиз меросини ўрганишга, тадқиқот қилишга рағбатлантириш, дунёқарашини ривожлантириш, мақбарада дафн этилган тарихий шахсларнинг ҳаёти ва илмий меросини ўрганиш ва тарғиб қилиш.
Танловда беллашаётган ўқувчиларга олимлар ҳакамлик қилишди.
Икки босқичдан иборат танловда Туркистон вилоятининг иштирокчиси Б. Ербўлат муносиб деб топилиб, 150 минг тенге махсус мукофотни қўлга киритди, 100 минг тенгелик мукофот ҳам туркистонлик Ақжунис Атаханга насиб этди. Иккинчи, учинчи ўринлар эса алматилик, қўстанайлик, шимкентлик ва қизилўрдалик ўқувчиларга насиб этди. Бошқа иштирокчи ва уларнинг устозларига ҳам пул мукофотлари тақдим этилди.