Nur Otan партиясининг “Фахрийларни эъзозлайлик!” лойиҳаси доирасида партиянинг Сайрам туман филиали раисининг биринчи ўринбосари,  депутат Алмас Абдиқадиров, депутат,  медиатор Сайёра Довонова, «Jas Otan» ёшлар қаноти аъзоси Сабит Сирбеков ва туман ўзбек этномаданият бирлашмаси аъзоси Зумрад Аҳмедовалар Қорабулоқ қишлоғи фахрийси, УВУ қатнашчиси Аҳмаджон Анортоевнинг хонадонига ташриф буюришди. Отахоннинг 95 ёшга тўлиши муносабати билан совғалар улашилиб, карнай-сурнай садолари остида туғилган куни нишонланди. 

Аҳмаджон Анортоев 1926 йили Қорабулоқ қишлоғида деҳқон оиласида дунёга келган. Аскарликка чақирилганга қадар  жамоа хўжалигида меҳнат қилди. 1944 йили Сайрам туманидан аскарликка чақирилиб, 64-ўқчи полкида хизмат қилди. У Польшани озод қилишда, Германиядаги урушларда иштирок этди. 

Аскарлик сафидан қайтгач, 2-чи даражали “Улуғ Ватан уруши қатнашчиси” ордени, “Германия устидан қозонилган ғалаба учун” медали билан тақдирланган. Нафақага чиққунга қадар  хўжаликларда ҳайдовчи бўлиб ишлади. 

Отахонга мустаҳкам соғлик тилаб қоламиз.