19 ноябрь куни Туркистон вилояти ҳокими Ўмирзақ Шўкеев Қозоғистон Республикаси Президенти қошидаги марказий алоқалар майдончасида “Давлат раҳбарининг Мактуби доирасида Туркистон вилоятини ривожлантириш масалалари"га бағишланган брифингда республика ва минтақавий ОАВ вакиллари ва ижтимоий тармоқ фаолларининг 40дан зиёд саволига жавоб берди.

Ижтимоий тармоқ орқали 100га яқин таклифлар ва саволлар келиб тушди. Ҳокимнинг брифингини бевосита эфирда Facebook ижтимоий тармоғида 3 минг, Youtube тармоғида мингдан зиёд одам томоша қилди. Маърузадан сўнг ҳоким журналистларни қизиқтирган саволларга жавоб берди. Саволларнинг аксарияти инфратузилмани ривожлантириш, вилоятни газлаштириш, туризм, қишлоқ хўжалигида амалга оширилаётган лойиҳалар, уч сменали мактаблар муаммоларини ҳал этиш, аҳолини арзон уй-жой билан таъминлаш, ижтимоий иншоотлар қурилишининг бориши ва вилоятда эришилган ютуқларга оид бўлди. 

Бевосита ва онлайн тартибда қўйилган саволларнинг барчасига Туркистон вилояти ҳокими Ў. Шўкеев батафсил жавоб берди.

– Элбошимиз Туркистон шаҳрининг сайёҳлик марказ сифатида тикланишига бевосита қўллов кўрсатиб, кенг қамровли ишлар амалга оширилмоқда. Ўрта Осиё ва Қозоғистондаги тенгги йўқ тарихий ёдгорлик – Хожа Аҳмад Яссавий мақбараси жойлашган муқаддас заминда бугунги кунда маънавий ва маданий, шу билан бирга туризм кластерига эҳтиёж катта. Тараққиётнинг янги босқичига кўтарилган Туркистоннинг янги маданий-ижтимоий ва маъмурий марказида янги бинолар қад ростламоқда. Энди Туркистон нафақат туркий олам, бутун жаҳон сайёҳлари келадиган шаҳарга айланяпти. Мазкур ютуқларнинг барчасини мустақилликнинг инъоми деб биламан, – дея, минтақа раҳбари Туркистонни ривожлантириш борасидаги ишлар давом этишини, кенг кўламли лойиҳалар амалга оширилишини маълум қилди.

Брифинг 1,5 соат давом этди.