Туркистон минтақасида оилавий маиший зўравонлик қурбонларини ижтимоий-руҳий қўллаб-қувватлаш ижобий натижаларини бермоқда. Махсус ўтказилган мустақил тадқиқот натижасида шундай қарорга келинган. Туркистон вилоятининг тажрибаси асосида йўлга қўйилган лойиҳа барча минтақаларда қўллаб-қувватланди. Беш йилдан буён фаолият юритиб келаётган марказ фаолиятининг натижаси Туркистон вилоят ҳокимлигида ўтган йиғилишда тилга олинди.

Мажлисда Туркистон вилояти ҳокимининг ўринбосарлари С. Қалқаманов, У. Тажибаев, вилоят бошқармалари раҳбарлари ва ЮНФПА вакиллари иштирок этди. Учрашувда ЮНФПА вакиллари маиший зўравонликнинг олдини олиш йўналишида Туркистон вилояти ҳокимлигининг топшириғи билан тайёрланган дастурни юксак баҳолади.

Ушбу дастур Буюкбритания ҳукуматининг шафелигида БМТ Аҳолишунослик жамғармасининг “Марказий Осиёда гендерлик асосида зўравонликнинг олдини олиш ҳамда унинг олдини олишда миллий салоҳиятни кучайтириш” лойиҳаси доирасида тайёрланган. Муҳокама қилинган мавзунинг муҳимлигини қайд этган вилоят ҳокимининг ўринбосари С. Қалқаманов алоқавий дастур асосида тезкор режа ишлаб чиқишни топширди. Шунингдек, у минтақада оилавий зўравонликнинг олдини олиш йўналишидаги ишлар давом эттирилишини маълум қилди. Маиший зўравонлик қурбонларига ижтимоий-руҳий қўллов кўрсатиш хизмати қишлоқ аёлларига ёрдам кўрсатади. Сабаби, инқироз марказлари кўпинча шаҳарларда жойлашган. Лойиҳа Қозоғистоннинг беш вилоятида амалга ошиши мумкин. Оилада зўравонликка мубтало бўлган аёл ёрдам сўраб, ваколатли органларга келмайди. Аёл бошига тушган кулфатни махсус хизмат мутахассислари билишса кифоя. Улар полицияга, ижтимоий хизматга, прокуратура ва яна бошқа ташкилотларга хабар беради.

Мажлисда Қозоғистондаги ЮНФПА вакили Ғазиза Мўлдақулова “Туркистон вилояти билан ҳамкорлик юқори даражада. Ушбу минтақада гендерлик зўравонлик бўйича хайрли ишлар амалга оширилмоқда. Келгусида бу борада тадбирлар кучайтирилади”, дея демографияси юқори минтақада она ҳуқуқини ҳимоя қилиш, маиший зўравонликнинг олдини олиш ўта муҳимлигини таъкидлади.