Сайрам тумани марказидаги А. Исмоилов номли касб-ҳунар коллежида вилоят “Жанубий Қозоғистон” газетаси ташаббуси билан Қозоғистон Республикаси Мустақиллиги ҳамда “Жанубий Қозоғистон” газетасининг 30 йиллиги, қолаверса, “Дўстлик байроғи” – “Жанубий Қозоғистон” газетаси ривожига ҳисса қўшган шоир, жамоат арбоби Ирисали Жуманов жамоатчи мухбирлар Аҳмадниёз Наметов, Октябрь Тожибоев, Маҳаммад Юнусовларнинг хотирасига бағишланган тадбир ўтди.
Газетанинг бош муҳаррири Алишер Сотволдиев меҳмонларни Истиқлол ва газетанинг 30 йиллиги билан табриклаб,барчага соғлик ва фаровонлик тилади.
Туман соғликни сақлаш соҳасида хизмат кўрсатган ходимлар Қ. Идрисов, С. Абдазимов, Н. Ирисалиев, Р. Шодиев, З. Бегжоновга пандемияга қарши курашдаги қўшган ҳиссаси учун Қозоғистон Республикаси Соғликни сақлаш вазири ўринбосарининг ташаккурномаларини топширди. Шунингдек, туманни ижтимоий-иқтисодий ривожлантиришга қўшган ҳиссаси, қолаверса, ҚР ҳамда “Жанубий Қозоғистон” газетасининг 30 йиллиги муносабати билан вилоят Nur Otan партияси фракцияси аъзоси, вилоят маслаҳати депутатлари Д. Егамбердиева, туман маслаҳати депутатлари А. Узоқова, Л. Малабаева, У. Ўразбаева ва саноат-инновацион коллежи директори Н. Нурекенова, А. Исмоилов номидаги касб-ҳунар коллежи директори Г. Исмоилова, шунингдек, тадбиркор А. Айкан, “Транспорт ва логистика” МЧБ директори Х. Муҳиддинов, “Манкент” мактаби директори Ҳ. Ўрмонов, хусусий тадбиркор Н. Юсвалиев, 45-сонли “1 Май” мактаби директори Ш. Олимовларга таҳририят ташаккурномаси ва совғаларини топширди.
Тадбир сўнггида вилоят маслаҳати депутати Д. Егамбердиева касб-ҳунар коллежи фаолияти билан танишаркан, муассаса мавжуд моддий-техника базаси билан чинакам мутахассисларни етиштириш имкони мавжудлигини юқори баҳолади.