ҚР Маданият ва спорт вазири Даурен Абаев Туркистон вилоятига хизмат сафари билан ташриф буюрди.
Туркистондаги Халқаро сайёҳлик  ва меҳмондўстлик университетига махсус ташриф буюрган вазир билим даргоҳи жамоаси билан учрашди.
Яқинда Мажлисдаги Ҳукумат соатида 2025 йилгача туризм соҳасида 60 мингга яқин янги иш ўрини очилиши айтилган эди.  Ушбу соҳага кадрларни тайёрлашда Халқаро туризм ва меҳмондўстлик университети асосий база бўлади. Вазирга университетнинг асосий имкониятлари ҳақида маълумот берилди.
Унга ҳамроҳлик қилган вилоят ҳокими ўринбосари Сакен Қалқаманов минтақада турли соҳаларда малакали мутахассислар тайёрлаш йўналишида фаолият юритилаётганини таъкидлади.
Университет ректори Майнюра Мурзамадиева долзарб масалаларга тўхталди. Даурен Аскербекули университет раҳбарларига қатор топшириқлар берди.
– Сайёҳлик соҳасида Туркистон вилоятининг истиқболи порлоқ, деб ҳисоблайман. Мазкур университетнинг янада ривожланишига қандай имкониятлар берилиши зарурлигини аниқлаш асосий мақсадларимдан бири эди. Умуман, билим юрти яқинда очилгани туфайли 1- ва 2- курс талабаларигина таҳсил олмоқда. Яқин йилларда талабалар сони ортишини эътиборга олган ҳолда,  янги бино ва ётоқхоналар қуриш керак. Ушбу даргоҳдан чиққан мутахассислар эл корига камарбаста бўлади, деб ўйлайман, – деди вазир.