Арис шаҳри ҳокими Гулжан Қурманбекова Маданият уйида аҳоли билан учрашув ўтказди. Бунга қадар 6та қишлоқда учрашувлар ўтказиб, аҳоли билан долзарб масалаларни муҳокама қилган. Учрашувда Г. Қурманбекова ўтган йилда амалга оширилган ишлар юзасидан ҳисобот бериб, аҳолини қизиқтирган бир неча муҳим масалаларнинг ечимига тўхталди.
Шаҳар ҳокими жорий йил Арис шаҳрида 600 ўринли иккита янги мактаб қад ростлашини айтди.
– Заковатли авлод – мамлакат келажаги. XXI асрда уч сменали мактаб масаласи ҳал қилинади. Йилдан йилга аҳоли сонининг ўсишини эътиборга олиб, янги мактаблар қурилишини режалаштирдик. Юқорида таъкидлаганимдек,  2та янги мактаб қурилишидан ташқари, жорий йилда М. Ауезов номидаги гимназия қошида 200 ўринли, И. Журба номли мактаб қошида 300 ўринли қўшимча ўқув биноси қурилади. Натижада, 1500дан зиёд ўқувчига қулай шароитлар яратилади, – деди Гулжан Мамитқизи.
Бундан ташқари, электр тармоқларини янгилаш, ичимли сув сифатини яхшилаш, шаҳар кўчаларини жорий таъмирлаш масалаларига ҳам тўхталди.
Йиғилишда шаҳар раҳбари арисликларнинг оғзаки ва ёзма саволларига ҳам жавоб берди. Жавоб олишга улгурмаганлар эса маърузадан сўнг бошқарма раҳбарлари билан учрашишди.