Ўрдабоши тумани, Бўржар қишлоқ округига қарашли Қайнар аҳоли манзилида туман хўжаликларига биогумусли органик ўғитларини ишлаб чиқаришнинг асосларини ўргатиш мақсадида семинар-кенгаш ўтди. Тадбирда Алмати, Ақтўбе шаҳарлари ва Туркистон вилоятларидан 100дан зиёд деҳқон иштирок этди.
Учрашувда соҳа мутахассислари биогумус бизнеси бўйича тажриба алмашиб, иштирокчиларга бу ишни қандай йўлга қўйиш ҳақида атрофлича маълумот беришди.
– Бандлик маркази орқали бериладиган грант олувчиларга ушбу бизнесни қалдирғоч лойиҳа сифатида амалга оширишни таклиф қиламиз, – деди туман тадбиркорлик бўлими раҳбари Фатима Қайим қизи.
Бугунги кунда биогумус учун хомашё қишлоқ аҳолисининг ҳовлиларидан кўп миқдорда топилади. Органик ўғит ёрдамида экин майдонларининг ҳосилдорлигини ошириш мумкин. Ернинг ҳосилдорлигини оширсак, у 3 йил сақланади. Бу биринчи навбатда хориждан келтириладиган кимёвий ўғитларга қарамликни камайтиради.
Туман ҳокимининг топшириғига кўра, келажакда барча қишлоқ, аҳоли манзилларида тадбиркорликнинг ушбу турини йўлга қўйиш режаланмоқда. Ўрдабоши тумани Бўржар қишлоқ округи, Қайнар аҳоли манзилида хусусий тадбиркор Бақитжан Асмебеков Калифорния қизил чувалчанглари сонини кўпайтириб, биогумус маҳсулотини, яъни органик соф ўғит ишлаб чиқармоқда.
Калифорния қизил чувалчанглари 15 йил яшайди.