2021 йилда Туркистон вилоятининг сайёҳлик соҳасига 102 млрд. тенге сармоя жалб қилинган. Бу кўрсаткич бўйича вилоятимиз республикада  1-ўринда.  Бу ҳақда вилоят сайёҳлик бошқармаси раҳбари вазифасини бажарувчи Нурдаулет Медеуов маълум қилди.
– Ўтган йили “Карвон сарой” кўп тармоқли сайёҳлик мажмуаси, “Ramada”, “Emir Plaza”, “Rich Hotel”, “Grand Villa”, “Ресорт” этнобоғ каби сайёҳлик иншоотлари фойдаланишга топширилди. Дунёнинг кўплаб мамлакатларига таниқли Izi.Travel мобиль иловасига вилоят ҳудудидаги 100та
сайёҳлик иншоотига оид аудиоахборотлар ва маълумотлар сайёҳлик харитасига киритилди, – деди Нурдаулет Данабайули.
Жорий йили бошқарма томонидан минтақанинг сайёҳлик соҳасини ривожлантиришга йўналтирилган “Karavan Statue Street Art” ҳайкаллар фестивали, “Taiqazan” гастрофестивали, “Батир Батлс” фестивали каби лойиҳаларни амалга ошириш режаланмоқда. Шунингдек, жорий йилда ички сайёҳлар сонини 260 мингга, хорижлик сайёҳлар сонини 7 минг кишига етказиш режаланган.